Versione originale in sardo

Tzia Amelia contàt…

In su tempus antigu nci fiant in Biddaxidru is cogas chi fiant féminas lègias chi portànt is ungas longas e fiant crobertas de itzapus e suciànt su sàngui de is pipius.

Una fémina iat pigau a ogu a sa mulleri de su fillu
e custa fémina fiat una coga
e una dì si fiat furriada a gatu
e fiat andada a dom' 'e sa nura
e si fiat posta acanta 'e su bratzollu innui fiat crocau su nabodeddu, po dd'ocì.

Insàs sa mama si ndi fiat acatada
e iat pigau sa matzoca e ndi dd'at donau u' cropu a is murrus i a conca.

Sa nura a s'uncrasi fiat andada a domu 'e sa sroga
e dd'iat bida cun sa faci e cun sa conca unfrada
e iat cumprèndiu chi sa sroga fiat una coga de cussas chi fiant in bidda.

Una fémina at pregau a Santu 'Isinni po ndi spedri custas cogas
e insàs Santu 'Isinni nd'at acapiau una a is peis de su letu
e apusti si funt bias tanti cogas acapiadas totus impari a bolai in s'àiri
e insàs funt scavuadas a su fogu.

De insàs is bruxas no si funt bidas prus in Biddaxidru
e po cussu Santu 'Isinni ddu narànt su Santu 'e is bruxas*.

I Serramannesus oliant su Santu po nci ogai is cogas de Serramanna
e un'orta fiant andaus a ndi furai sa relìchia,
ma candu fiat acanta 'e su frùmini 'e Narti, acanta de sa cresiedda, sa relìchia 'e su Santu fiat beniu grai grai e no iant pòzidu passai su frùmini.

Insàs is Serramannesus iant portau sa relìchia a sa cresia sua,
ma immui puru is Serramannesus funt amigus de is Biddaxidresus**.

*
Nella chiesa di S. Sisinnio che dista da Villacidro circa un'ora di cammino, si può ancora vedere un vecchio quadro in cui è dipinto il Santo circondato dalle streghe legate fra loro, alcune in preda a un vento impetuoso, altre in mezzo al fuoco. I Villacidresi solevano mettere, all'entrata delle loro case, l'immagine del Santo, per scongiurare il pericolo delle streghe.

**
Il quattro agosto si fa la festa di S. Sisinnio; la reliquia del Santo viene portata alla chiesa in gran pompa; la segue una processione di fedeli e di uomini a cavallo, armati di sciabola. Giunti al fiume Narti, si fermano ed estraggono le sciabole dal fodero. Sarà questo il ricordo delle antiche lotte fra i Villacidresi e i Serramannesi per il possesso della reliquia del Santo.

Narrata da Amelia Pala di Villacidro
Riportata in: G. Bottiglioni, Leggende e tradizioni di Sardegna, Olschki, Ginevra, 1922