Villacidro, cartello di indicazione.

BIDDACIRDU

Cali bella maliarda, chi reposa'
felici 'n d'unu lettu de dulzura,
aici tui, inebbriada de friscura,
tra montagnas riposas maestosa.

Ricca de limpias acquas e aria pura,
po sa bon'acquardenti ses famosa,
e, mudada de floris che una sposa,
tui vantas dogna incantu de natura.

Po su tuu lavotoiu e sa pineta,
sa Spendula, is giardinus, is valladas
e sa genti de tui non zertu indigna,

ses diventada ormai s'unica meta
di escursinonis e totus, non de badas,
nanta chi siast s'Eden de sa Sardigna. 

Luigi Cadoni
(Villacidro 17.5.1884 - Villacidro 17.10.1917)